ދިވެހިރާއްޖޭގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު 2024 ޑިސެމްބަރ 15 ވީ އާދީއްތަ ދުވަހު އަރިއަތޮޅު ދެކުނުބުރީ އޮމަދޫއަށް ވަނީ ވަޑައިގެންފައެވެ. މިދަތުރުފުޅުގައި އޮމަދޫގެ ކައުންސިލް އަދި އަންހެނުންގެ ތަރައްޤީއަށް މަސައްކަތްކުރާ ކޮމިޓީީގެ މެމްބަރުންނާ ވަނީ ބައްދަލުކޮއް ރަށުގެ ހާލަތާއި ގުޅޭ ގޮތުން ވާހަކަފުޅު ދައްކަވާފައެވެ. 

އަދި މި ދަތުރުފުޅުގައި ރަށުގެ ރައްޔިތުންނާއި ބައްދަލުކޮށް، 2025 ވަނަ އަހަރުގެ ކުރީކޮޅު އޮމަދޫގެ ބަނދަރު މަރާމާތުގެ މަސައްކަތް އަލުން ފަށާނެކަމަށާއި، ގިރާ ޞަރަޙައްދު ޙިމާޔަތްކުރުމުގެ މަސައްކަތްވެސް ފަށާނެކަމަށާއި، ސުކޫލުގެ މަލްޓި ޕާޕަސް ހޯލެއްގެ އިތުރުން ޖާގައިގެ ދަތިކަން ޙައްލުކޮށްދެއްވާނެކަމަށާއި އަދި ޞިއްޙީ މަރުކަޒުގެ ޢިމާރާތުގެ ޖާގައިގެ ދަތިކަން ޙައްލުކޮށްދެއްވަނެކަމަށް ވަނީ ވިދާޅުވެފައެވެ. 

ދިވެހިރާއްޖޭގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އަރިއަތޮޅު ދެކުނުބުރީ އޮމަދޫއަށް ވަޑައިގެންފި

ފެލިދެއަތޮޅު ކެޔޮދޫ ކައުންސިލުން ވަނީ 2024 ނޮވެމްބަރ 09 ވަނަ ދުވަހު (މިއަދު) މިރަށަށް ތަޖުރިބާ ދަތުރެއް ކުރައްވާފައެވެ. ދަތުރުވެރިންނަށް މަރުޙަބާ ދެންނެވުމަށް މިކައުންސިލްގެ މެމްބަރުންނާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެމްބަރުންގެ އިތުރުން އިދާރީ މުވައްޒިފުން ބައިވެރިވެފައިވެއެވެ.

މިދަތުރުގައި ދެކައުންސިލްގެ މެދުގައި މަޢުލޫމާތު ހިއްސާކުރުމުގެ އިތުރުން، މިރަށުގައި ކުރިއަށްދާ ޕްރޮޖެކްޓް ތަކާއި އަދި ޙާއްސަ ބައެއް ތަންތަންވަނީ ބައްލަވާލައްވާފައެވެ. އޭގެ ތެރޭގައި ކުނި މެނޭޖް ކުރާ މަރުކަޒާއި، އަދި މުއައްސަސާތަކުގެ އިތުރުން ރަށުގައި ޓޫރިޒަމްއަށް 

ޙާއްސަ ތަންތަންވަނީ ބައްލަވާފައެވެ.

ފެލިދެއަތޮޅު ކެޔޮދޫ ކައުންސިލުން މިރަށަށް ތަޖުރިބާ ދަތުރެއް ކުރައްވައިފި

މިލަދުންމަޑުލު އުތުރުބުރީ ފޯކައިދޫ ކައުންސިލުން ވަނީ 2024 ސެޕްޓެމްބަރ 23 ވަނަ ދުވަހު މިރަށަށް ތަޖުރިބާ ދަތުރެއް ކުރައްވާފައެވެ. ދަތުރުވެރިންނަށް މަރުޙަބާ ދެންނެވުމަށް މިކައުންސިލްގެ މެމްބަރުންނާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެމްބަރުންގެ އިތުރުން އިދާރީ މުވައްޒިފުން ބައިވެރިވެފައިވެއެވެ. 

މިދަތުރުގައި މިރަށުގައި ކުރިއަށްދާ ޕްރޮޖެކްޓް ތަކާއި އަދި ޙާއްސަ ބައެއް ތަންތަންވަނީ ބައްލަވާލައްވާފައެވެ. އޭގެ ތެރޭގައި ކުނި މެނޭޖް ކުރާ މަރުކަޒާއި، އަދި މުއައްސަސާތަކުގެ އިތުރުން ރަށުގައި ޓޫރިޒަމްއަށް ޙާއްސަ ތަންތަންވަނީ ބައްލަވާފައެވެ. 

މިލަދުންމަޑުލު އުތުރުބުރީ ފޯކައިދޫ ކައުންސިލުން މިރަށަށް ތަޖުރިބާ ދަތުރެއް ކުރައްވައިފި

ގޯލްޑެން ފުޓްސެލް ޗެލެންޖު މުބާރާތް 2025 ގައި އދ އޮމަދޫ ތަމްސީލް ކޮށްދިނުމާއި ގުޅޭގޮތުން އަރިއަތޮޅު ދެކުނުބުރީ ކައުންސިލް އިދާރާއާއި އދ އޮމަދޫ ޖަނަވަރީގޭ ޢަލީ ސާމިޙްއާއި އެކު އެއްބަސްވުމެއްގައި މިއަދުވަނީ ސޮއިކޮށްފައެވެ. މީގެ ކުރިންވެސް މިރަށުންވަނީ ގޯލްޑަން ފުޓްސަލް ޗެލެންޖު ގައި އެކި އަހަރުތަކުގައި ބައިވެރިވެފައެވެ. މި މުބާރާތް ފެށުމަށް ހަމަޖެހިފައިވަނީ 2025 ޖެނުއަރީ 4 ވަނަ ދުވަހުގައެވެ.

ގޯލްޑެން ފުޓްސެލް ޗެލެންޖު މުބާރާތް 2025 ގައި އދ އޮމަދޫ ތަމްސީލްކޮށްދިނުމާއި ގުޅޭ އެއްބަސްވުމުގައި ސޮއިކޮށްފި

މުލަކުއަތޮޅު އަތޮޅު ކައުންސިލުން މިރަށަށް މިއަދުވަނީ ތަޖުރިބާ ދަތުރެއް ކުރައްވާފައެވެ. ދަތުރުވެރިންނަށް މަރުޙަބާ ދެންނެވުމަށް މިކައުންސިލްގެ މެމްބަރުންނާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ މެމްބަރުންގެ އިތުރުން އިދާރީ މުވައްޒިފުން ބައިވެރިވެފައިވެއެވެ. 

މިދަތުރުގައި މިރަށުގައި ކުރިއަށްދާ ޕްރޮޖެކްޓް ތަކާއި އަދި ޙާއްސަ ބައެއް ތަންތަންވަނީ ބައްލަވާލައްވާފައެވެ. އޭގެ ތެރޭގައި ރަށުގައި ޤާއިމް ކުރަމުންދާ ފެނުގެ ނިޒާމާއި، ކުނި މެނޭޖް ކުރާ މަރުކަޒާއި، އަދި މުއައްސަސާތަކުގެ އިތުރުން ރަށުގައި ޓޫރިޒަމްއަށް ޙާއްސަ ތަންތަންވަނީ ބައްލަވާފައެވެ. 

މުލަކުއަތޮޅު އަތޮޅު ކައުންސިލުން މިރަށަށް ތަޖުރިބާ ދަތުރެއް ކުރައްވައިފި

މިއަހަރުގެ ޤައުމީ ދުވަހުގެ ދިދަނެގުމުގެ ރަސްމިއްޔާތު މިއަދު ހެނދުނު 6:00 ގައި އަރިއަތޮޅު ދެކުނުބުރީ އޮމަދޫ ކައުންސިލްގެ އިދާރާގައި ވަނީ ކުރިއަށް ގެންގޮސްފައެވެ. މިރަސްމިއްޔާތުގައި ދިދަ ނަންގަވައި ދެއްވީ ކައުންސިލް މެމްބަރު ޝަޒިއްޔާ އިސްމާޢީލެވެ. 

މި ރަސްމިއްޔާތުގައި ކައުންސިލްގެ މެމްބަރުންނާއި މުވައްޒިފުންގެ އިތުރުން ރަށުގެ ހުރިހާ މުއައްސަސާތަކުން ވަނީ ބައިވެރިވެފައެވެ.

1446 ވަނަ އަހަރުގެ ޤައުމީ ދުވަހުގެ ދިދަ ނެގުމުގެ ރަސްމިއްޔާތު ކުރިއަށް ގެންގޮސްފި

ރާއްޖެއަށް މިހާރު ކުރަމުންދާ ވިއްސާރައާއި ގުޅިގެން މިރަށު ހުޅަނގު ހޭޅިފަށުން ބޮޑު ޞަރަޙައްދެއް ވަނީ ގިރާލާފައެވެ. ވޭތުވެދިޔަ އަހަރުތަކުގައިވެސް މި ޞަރަޙައްދުން ބޮޑު ބައެއް ގިރާލާފައިވެއެވެ. މި ޞަރަޙައްދަކީ ރަށުގެ އެންމެ ރީތި ގޮނޑުދޮށުގެ ގޮތުގައި ފާހަގަކުރެވޭ ޞަރަޙައްދަށް ވުމުގެ އިތުރުން ރަށަށް ޒިޔާރަތްކުރާ ގިނަ ފަރާތްތަކުންވެސް ހިތްހަމަޖެހުން ހޯދާ ތަނެއްގެގޮތުގައި މި ޞަރަޙައްދު ފާހަގަކޮށްލެވެއެވެ.

މި ޞަރަޙައްދު ވަރަށްބޮޑަށް ގިރަމުން ދާތީވެ، ވޭތުވެ ދިޔަ އަހަރުތަކުގައި ކައުންސިލުން ސަރުކާރުގެ ސަމާލުކަމަށް އެކަން ގެނެސް އެ ޞަރަޙައްދު ޙިމާޔަތްކުރުމަށް ތަކުރާރުކޮށް ކުރި ބުރަ މަސައްކަތުގެ ނަތީޖާއެއްގެ ގޮތުން މިހާރުވަނީ އެ ޞަރަޙައްދު ޙިމާޔަތްކުރުމަށް މޯލްޑިވްސް ޓްރާންސްޕޯޓް އެންޑް ކޮންސްޓްރަކްޝަން ކޮމްޕެނީއާ ޙަވާލުކުރެވިފައެވެ. މި މަސައްކަތް ޙަވާލުކުރެވިފައިވަނީ، ބަނދަރު މަރާމާތުކުރުމުގެ މަސައްކަތާއެކުގައި ކަމަށްވުމުން، ބަނދަރުގެ މަސައްކަތް ހުއްޓުމާގުޅިގެން، އެ މަސައްކަތްވެސްވަނީ ހުއްޓިފައެވެ.

މޫސުމަށް އަންނަ އެކި ބަދަލުތަކާއި، ބޮޑަށް ހުޅަނގު މޫސުމުގައި ގަދަވުމުގެ ސަބަބުން ރަށުގެ ހޭޅިފަށުން ގިނަ ޞަރަޙައްދުތަކެއްވަނީ ގިރާލާފައެވެ. އަދި ރައްޔިތުން ދިރިއުޅޭ ގޯތި ގެދޮރާއި ދެމެދު 100 ފޫޓުގެ ދުރުމިން ނުހުންނަވަރަށް ރަށްގިރުމުގެ ނުރައްކާ ވަނީ ބޮޑުވެފައެެވެ.

އޮމަދޫ ހުޅަނގު ތުނޑީ ޞަރަޙައްދުން ބޮޑު ބައެއް ގިރާލައިފި

އދ. އޮމަދޫއަށް ރޭގައިކުރި ވިއްސާރާގައި ރަށުގެ ބައެއް ސަރަޙައްދުތަކުގައި ފެން ބޮޑު ވުމާ ގުޅިގެން އެ ސަރަހައްދުތަކުގައި ކާނު ހަދައި ފެންހިންދުމުގެ މަސައްކަތް ވަނީ  ކުރެވިފައެވެ. މިކަމުގައި ސްޓެލްކޯ، ޕޮލިސް ޕޯސްޓް އަދި އާންމުންގެ އެހީތެރިކަން ލިބިފައިވެއެވެ.

މޫސުންގޯސްވެ ވާރޭވެހި ފެން ބޮޑުވާ ހާލަތްތަކުގައި ކައުންސިލްގެ މަސައްކަތު ތާވަލުގައި ވާގޮތަށް ފެން ބޮޑުވިޔަ ނުދިނުމަށް ކައުންސިލުން އިސްނަގައިގެން ވަރަށް ގިނަ ކަން ކަން މިހާތަނަށް ކުރެވިފައިވެއެވެ. އޭގޮތުން ފެން ބޮޑުވާ ސަރަހައްދުތަކަށް ވެލި އެޅުމާއި ފެން ބޮޑުވާ ސަރަހައްދުތަކުން ފެން ހިންދާނެ ނިޒާމު ގާއިމްކުރުން ހިމެނެއެވެ.  

ވިއްސާރާގައި ރަށުގެ ބައެއް ސަރަޙައްދުތަކުގައި ފެން ބޮޑުވުން

ކޮންސްޓްރަކްޝަން މިނިސްޓްރީގެ އޮފިސަލުންނާއި ކައުންސިލުން ބައްދަލު ކުރައްވައިފިއެވެ.

މި ބައްދަލު ކުރެއްވުމުގައި ކައުންސިލްގެ ފަރާތުން ބައިވެރިވީ: 

ކައުންސިލްގެ ރައީސް އިބްރާހީމް ޢާދިލް، ކައުންސިލްގެ ނައިބްރައީސް މުޙައްމަދު އިސްމާޢީލް، ކައުންސިލް މެމްބަރ ޝަޒިއްޔާ އިސްމާޢީލް، އޮމަދޫ ޕީ ޕީ އެމް / ޕީ އެން ސީގެ ސްޓީއަރިންގް ކޮމިޓީގެ ރައީސް އުމަރު މުޙައްމަދު، ދަނގެތި ދާއިރާގެ މަޖިލިސް މެމްބަރު އަބްދުﷲ ރަޝީދު

މިނިސްޓްރީގެ ފަރާތުން މިނިސްޓްރީގެ ސްޓޭޓު މިނިސްޓަރު އިސްމާޢީލް ހަމީދު އަދި އިތުރު އޮފިސަލުން ބައިވެރިވެ ވަޑައިގެންނެވިއެވެ. 

މި ބައްދަލުވުމުގައި ބަނދަރުގެ މަސައްކަތް ހުއްޓިފައިވާތީރައްޔިތުންގެ ކަންބޮޑުވުންތައް މިނިސްޓްރީގެ އޮފިސަލުނާއި ހިއްސާކުރެއްވިއެވެ. އެގޮތުން، އިރުވައިމޫސުމުގައި ބަނދަރުގައި އުޅަނދުފަހަރު އަޅަން ދަތިވާ ކަމަށާއި އަދި އުޅަނދުފަހަރަށް ގެއްލުންވަމުން ދާކަމަށް ދެންނެވުނުއެވެ. އަދި މީގެއިތުރުން ބަނދަރުމަތީގައި ބަހައްޓާފައިވާ ބައެއް ތަކެއްޗާއި އަދި ކޮނެލާފައި ހުރުމުގެ ސަބަބުން ބަނދަރުމަތީގައި އިތުރު ނުރައްކަލަށް ހުށައެޅުމުގެ ފުރުސަތު އޮތް ކަމަށް ދެންނެވުނެވެ. 

މިނިސްޓްރީގެ އޮފިސަލުން މިހާރު މަސައްކަތް ކުރިއަށް ދާގޮތުގެ ތަފްސީލް ދެއްވިއެވެ. އެގޮތުން، އީ އައި އޭ ނިމިފައިާ ކަމަށް އެބޭފުޅުން ވިދާޅުވިއެވެ. އަދި ވަރަށް އަވަހަށް ބަނދަރުގެ މަސައްކަތް އަލުން ފަށާނެކަމަށް ވިދާޅުވިއެވެ.

ފަހުގެ ޚަބަރުތައް

ހުރިހާ ޚަބަރުތައް

އޮމަދޫ ކައުންސިލް އިދާރާ

އޮމަދޫ ކައުންސިލް އިދާރާ